பாத்ர பூர்ணிமாவின் நிலவொளி இரவை ஒளிரச் செய்வது போல, ஶ்ரீமத் பாகவதம் நம் வாழ்க்கையை ஆன்மீக ஒளியால் நிரப்புகிறது. பகவான் ஶ்ரீ கிருஷ்ணரின் பெருமைகளையும், தூய்மையான பக்திப் பாதையையும் எடுத்துரைக்கும் புனித நூல் ஶ்ரீமத் பாகவதம் ஆகும்.
பாத்ர பூர்ணிமா என்பது ஶ்ரீமத் பாகவதத்தின் திவ்யமான ஞானத்தைப் போற்றுவதற்கும், கேட்பதற்கும், படிப்பதற்கும், பிறருடன் பகிர்ந்து கொள்வதற்கும் கிடைத்த அருமையான நாளாகும்.
ஶ்ரீ பாத்ர பூர்ணிமா என்றால் என்ன?
பாத்ர மாதத்தின் பௌர்ணமி தினமே பாத்ர பூர்ணிமா எனப்படும். ஆன்மீகப் பாதையில் பயணிப்பவர்களுக்கு, ஶ்ரீமத் பாகவதத்தை நினைவுகூர்ந்து போற்றுவதற்கும் கிருஷ்ணஉணர்வு செய்தியைப் பரப்புவதற்கும் இது ஒரு இனிய வாய்ப்பாகும்.
இந்நாளில் கிருஷ்ண கதையைக் கேட்டல், ஶ்ரீமத் பாகவதத்தைப் படித்தல், அதன் போதனைகளைப் பரப்புதல் மற்றும் பக்தித் தொண்டு செய்வதன் மூலம் நாம் இறைவனின் அருளைப் பெறலாம்.
கிருஷ்ண கதையின் அமுதம்
வேதங்கள் என்னும் மரத்தின் பழுத்த சுவையான கனியாக ஶ்ரீமத் பாகவதம் திகழ்கிறது.
🔆இதன் ஸ்லோகங்கள் பகவானுடைய திவ்யமான பெயர்கள், நற்குணங்கள் மற்றும் லீலைகளை நமக்கு எடுத்துரைக்கின்றன.
🔆இந்த புனித நூலை நம்பிக்கையோடு கேட்பதன் மூலம், நம் மனதில் கிருஷ்ணரைப் பற்றிய நினைவுகள் ஆழமாகப் பதியும்.
🔆நமக்குள்ளே தூங்கிக் கொண்டிருக்கும் நித்தியமானஆனந்தம் மற்றும் இறைவன் மீதான அன்பு விழித்துக் கொள்ளும்.
பாகவதத்தைக் கேட்பது கிருஷ்ணருக்கு அருகில் நம்மை அழைத்துச் செல்லும்; அதைப் பிறருடன் பகிர்வது பக்திப் பாதையைக் காட்டுவதாகும்.
பாத்ர பூர்ணிமாவின் சிறப்பு
பாத்ர பூர்ணிமா நாளில் இந்த புனித நூலைத் தானமாக வழங்குவது மிக உயர்ந்த நன்மைகளைத் தரும் என்று ஶ்ரீமத் பாகவதம் (12.13.13) கூறுகிறது.
🔆ஒருவரது கைகளில் வழங்கப்படும் இந்த புனித நூல், அவரது ஆன்மீகப் பயணத்தின் தொடக்கமாக மாறக்கூடும்.
🔆நம்பிக்கையோடு கேட்கும் ஒரே ஒரு ஸ்லோகம், ஒருவரின் இதயத்தையே மாற்ற வல்லது.
🔆நாம் செய்யும் ஒரு சிறிய அன்பான சேவை, ஶ்ரீ கிருஷ்ணரின் திருவடிகளில் சமர்ப்பிக்கப்படும் சிறந்த காணிக்கையாகும்.
விருந்தாவன தாமத்திலிருந்து பாகவத செய்தி
ஶ்ரீ கிருஷ்ணர் அவதரித்து லீலைகள் புரிந்த புனித பூமியான விருந்தாவன தாமத்திலிருந்து பாகவதச் செய்தியைப் பரப்புவது மிகவும் விசேஷமானது. இந்த பாத்ர பூர்ணிமாவில், இந்த ஆன்மீகச் செய்தி மேலும் பல வீடுகளையும், ஆன்மீகத் தேடல் உள்ளவர்களையும் சென்றடைய நாம் அனைவரும் ஒன்றுபடுவோம்.
உங்கள் சேவை கிருஷ்ணரை அடையும் பாலம்
🔆எங்கோ ஒரு ஜீவன் அமைதியையும் ஆன்மீக வழிகாட்டுதலையும் தேடிக் கொண்டிருக்கலாம்.
🔆ஒருவர் தன் வாழ்க்கையின் உண்மையான அர்த்தத்தைத் தேடிக் கொண்டிருக்கலாம்.
🔆மற்றொருவர் கிருஷ்ணரைப் பற்றிக் கேட்பதற்கான வாய்ப்பிற்காகக் காத்திருக்கலாம்.
அத்தகைய ஆத்மாவுக்கு ஶ்ரீமத் பாகவதத்தை வழங்க உங்கள் சேவை உதவும். உங்கள் நேரம் மற்றும் அன்பான சேவையின் மூலம், கிருஷ்ண கதையைப் பரப்புவதில் நீங்கள் ஒரு நிமித்த-மாத்ரம் (கருவி) ஆக மாறலாம்.
பாத்ர பூர்ணிமாவை எவ்வாறு அனுஷ்டிப்பது?
பக்தர்கள் இந்நாளைப் பின்வருமாறு சிறப்பாகக் கொண்டாடலாம்:
🔆ஶ்ரீமத் பாகவதம் படித்தல் மற்றும் கிருஷ்ண கதையைக் கேட்டல்
🔆ஶ்ரீமத் பாகவதத்தின் போதனைகளைப் பரப்புதல்
🔆ஹரே கிருஷ்ண மஹா மந்திரத்தை ஜபித்தல்
🔆திருக்கோயிலுக்குச் செல்லுதல் மற்றும் பக்தர்களுடன் இணைந்து ஹரிநாம சங்கீர்த்தனத்தில் ஈடுபடுதல்
🔆பக்தித் தொண்டு செய்தல் மற்றும் பிறருக்கு ஶ்ரீமத் பாகவதத்தைப் பகிர்ந்து கொள்ள உதவுதல்
கேட்பது, பகிர்வது மற்றும் சேவை செய்வதன் மூலம் கிருஷ்ணருடனான நமது அன்பை ஆழப்படுத்துவதே இந்நாளின் முதன்மை நோக்கமாகும்.
ஒரு புனிதமான காணிக்கை
இந்த பாத்ர பூர்ணிமாவில், நிலவின் அழகை ரசிப்பதோடு மட்டுமல்லாமல், ஶ்ரீமத் பாகவதத்தின் ஒளியையும் உலகெங்கும் பரப்ப உதவுவோம். ஶ்ரீமத் பாகவதத்தின் ஞானம் நம் இதயங்களில் பக்தியையும், அமைதியையும், ஶ்ரீ கிருஷ்ணர் மீதான அன்பையும் ஒளிரச் செய்யட்டும்.
🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆
ஹரே கிருஷ்ண ஹரே கிருஷ்ண
கிருஷ்ண கிருஷ்ண ஹரே ஹரே
ஹரே ராம, ஹரே ராம,
ராம ராம, ஹரே ஹரே
🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆🔆
